2001年香港小姐冠軍楊思琦為賺錢養仔女同供樓，近年主力於內地發展，積極經營抖音、微博等內地社交平台，不時拍片介紹打卡地道小食、及唱歌跳舞等等，同內地網民互動一番。近日佢又上載唱歌影片到抖音，今次佢選擇唱出關淑怡嘅《難得有情人》，網民唔單止留意佢嘅歌聲，仲將目光放喺佢一身「重口味」嘅打扮上。
楊思琦過往嘅影片中，佢不時被網民指反應過份浮誇、舞姿老土及五音不全被嘲笑係唱「魔音」等等。近日佢又上載唱歌影片到抖音，身穿貼身低胸黑色上衣，配上一條好有中國特色嘅束腰長裙，及以廣東話唱出關淑怡嘅《難得有情人》。北上發展嘅楊思琦，連衣着都迎合內地市場，最新影片嘅衣著更被指有「屯門娜娜」嘅感覺。雖然有網民大讚佢保養得宜，不過亦有網民認為佢「對嘴型」及非常老土等等，留言話：「思琦妹大膽啲唔好對嘴型」、「你唱歌都走音的，就不要騙人了」、「假到嘿的，假唱」、「口形沒對上！！哈哈，這個差評」、「佢是咪著了魔」、「入鄉隨俗」及「佢搞乜 明明當年都唔係咁」等等。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
