區永權
區永權、劉德華
《東張西望》近年成為市民申訴途徑，不過節目主持之一區永權(Albert)偏偏自己都係投訴苦主。Albert寓所嘅露台多次被樓上高空擲物滋擾，尋日佢喺社交平台出post，鬧爆樓上街坊今次將超過10粒玻璃碎掟落街，「玻璃雨」灑遍露台。
出post鬧爆
睇返Albert IG，佢屋企露台已經唔止一次有雜物「從天而降」，之前就有吸塵機手柄同埋雨傘飛落嚟，懷疑因此打爆地磚同騎樓邊，仲有冇po到嘅煙頭、紙巾、螺絲、垃圾等等，好在次次都冇人受傷。有唔少網民建議Albert搵返《東張西望》幫手出頭，連TVB女藝人林秀怡同前新聞主播林小珍都咁建議……咦，係喎？點解唔搵《東張》呢？
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
