黃翠如、龔嘉欣以契媽身份分享感受。
今日是母親節，一眾藝人分享與母親或自己的子女的合照，藉此表達愛意。至於未成為人母的黃翠如、龔嘉欣亦有感而發，但她們則以契媽身份分享感受。
黃翠如以契媽身份分享道︰「佢會好似情人咁愛你，又會好似仇人咁踐踏你；佢會有好需要你嘅時候，又會有大個仔得鬼閒睬你嘅時候。阿媽，唔知你細個照顧我嘅時候，係咪都有啲咁嘅感受，母親節，我想表達，我愛你，我愛你，同我好愛你。送你鮮花，當你好似情人好好去愛。送你珍珠，因為你也是我的掌上明珠。只要你健康，甚麼都好。」
龔嘉欣過去不時幫陳凱琳、譚凱琪湊小朋友，坦言做媽媽不容易。她說︰「雖然我未成為媽媽，但係見到身邊每一位媽媽朋友，每日全天候都係為自己嘅小朋友同埋屋企去計劃同準備，真係唔容易。每個家庭真係好有愛，喺佢哋呢幾位Super媽媽身上，我都學到好多嘢，將來我成為媽媽，有佢哋，我一啲都唔擔心。祝天下媽媽母親節快樂。」
🎁 amJetso請你睇《焚城》，快Ｄ開APP玩👇 👇
