水著照自薦做《少林女足》 蔡思貝獲星爺派心已賺咗
蔡思貝今日出席觀塘apm的《夏日潮玩MOMO太空站》開幕活動，談到她上載水著泳照晒長腿，務求參演周星馳(星爺)的電影《少林女足》，最終獲星爺大派心心俾like，有望成為「星女郎」，她說：「見到星爺俾like，當然開心。」問到星爺哪面有否與她聯絡，「我等得架，因為籌備一套電影需要時間，星爺幾時搵我，我幾時都可以開工，只要可以同佢合作。」
思貝IG上載水著照自薦《少林女足》，獲星爺派心肯定。
一腳踢拍旅遊節目獲好評
談到她的旅遊節目《貝遊英倫》大獲好評，思貝稱會添食開拍《貝遊歐洲》，早前才到意大利與英國進行拍攝工作，「啱啱去咗21日，拍攝咗9個城市，由籌備到梳化服都係一腳踢，後期製作都有參與，好enjoy拍攝旅遊節目，因為可以大開眼界。」問她是否想轉型YouTuber，她稱：「拍戲始終會係第一位，趁有空閒去旅行，順手拍啲嘢返嚟增加自己嘅數據庫，剪條片當學多樣嘢。」
剛去了意大利和英國的思貝，稱此行進行了21日拍攝。
思貝指，拍攝旅遊節是自己一腳踢，雖然有點辛苦，但她很好enjoy。
🎁 amJetso請你睇《焚城》，快Ｄ開APP玩👇 👇
