江嘉敏現身荃灣拍攝HOY TV節目《安居樂業》。(娛樂組攝)
江嘉敏今日（11/3）現身荃灣拍攝HOY TV節目《安居樂業》，她接受訪問表示：「今次係第一次做主持，所以真係好緊張，睇樓嘅節目之前都係做嘉賓，所以今次算係處女作。」她繼續指原本收到節目組通知只是拍一集，並表示：「點知今日拍咗半集之後，突然之間話要拍一輯。」被問到會否加薪酬，她笑言：「返工冇薪酬就變做義工，返工梗係有人工。」她坦言其實第一次做主持非常緊張。
江嘉敏指初嘗主持滋味。(娛樂組攝)
離巢後一腳踢
被問到離巢TVB後的工作大計，她表示：「我最需要時間去習慣嘅係除咗幕前工作之外，好多嘅幕後工作，我自己都要負責返，又要同人哋夾期，要着咩衫，仲有梳頭化妝。」她透露目前有很多客戶主動詢問給予工作機會，並繼續指：「嚟緊我會試一套舞台劇，以往真係多數拍劇。」
與TVB高層傾過幾次
講到TVB有否加人工挽留續約，她表示：「我嗰陣時傾簽約嘅時候又真係冇計到，嗰陣時除咗傾合約嘅問題，我同珍姐都係傾人生嘅事情，佢哋都會講你都30歲，你仲有啲咩想做㗎，除咗想拍劇，之後同佢哋傾咗好耐，甚至傾咗幾次，之後都有同朋友傾，所以有呢一個決定。」
仲有5套TVB劇未出街
至於過往參演的TVB劇集是否仍有存貨未播出街，她直言：「我仲有五套，都係呢一兩年拍嘅，有好幾個監製拍完嘅劇都未播，上個月先啱啱做晒我要嘅配音，嚟緊我都會去劇集宣傳，咁辛苦拍劇，然後又要去吊威也，付出咗咁多時間去拍都想做宣傳。」被問到會否有預計TVB之後會邀請出席宣傳工作，她說：「呢個你要問返佢哋（TVB），呢樣嘢唔係我話事，你估六合彩會唔會俾我中？」
【立即參加】送香港迪士尼樂園一日門票！
