江美儀與吳君祥暪婚一事，一直以醉酒忘記為由。今日美儀接受《東張西望》時，為事件道歉，她說︰「唔好意思，真係對唔住，冇諗過你哋咁緊張我，我只不過係一個小演員，冇諗過大家咁緊張我私生活。」
她說︰「我個人好隨心、冇咩計劃，大家都知我係有情緒病，如果我一分手就要同大家講，又要面對記者，我肯定處理唔到，依家過咗兩年，家人接受到，依家自己又可以好平靜，可以好Ready啦，有人問就講。咁結婚呢件事當初冇講，到依家分手我都唔想講。到有人搵到啦，咪搵到，依家我哋已經係兩個獨立個體，希望大家高抬貴手，希望我自己都可以重新一個新生活。」
同時她又指身邊都有不少朋友好奇她跟吳君祥分手的原因，她說沒有第三者介入，只是感情轉淡，緣份盡了。她說︰「我相信緣份盡咗，分手係因為大家步伐唔一致，我同佢仲係好朋友，每日都仲有傾電話。」
立即更新/下載AM730手機APP 體驗升級功能
