ViuTV女神沈殷怡(Shirley)早前跟「米露迪」，接受蝦頭(楊詩敏)和連詩雅的網上節目《絲打圍爐》訪問，討論「戀人未滿，友達以上」的話題，其間玩遊戲回答問題，當Shirley要回答「圈中最為吸引你的異性朋友」時，27歲的Shirley突然害羞起來，「如果有follow IG算唔算朋友？因為我好想講一個⋯⋯ MIRROR 嘅 Jeremy(李駿傑)，我覺得好正。」
讚Jeremy有養貓有愛心
蝦頭隨即追大家是否朋友？Shirley答道：「都會打招呼，同一個地方學唱歌，就咁樣啦，冇啦。」蝦頭與米露迪紛紛獻計，鼓勵Shirley主動出擊，米露迪叫她讚Jeremy身形健碩了，並示範摸他的手臂，Shirley即嬌嗲大叫，Jeremy唔係行呢個路線，但我仲係好愛佢。」Shirley親解冧爆Jeremy的原因，「之前睇佢工作，佢好認真、又有養貓，又識做家務，我覺得好charm嘅一個男仔，係會識得做家務，或者打理自己嘅生活，又有養貓好有愛心，呢啲各種各種……就會好欣賞佢。」
叫魯生開劇由Jeremy演霸道總裁？
蝦頭問如果跟Jeremy一齊主持節目，如何打開話題，讓對方留下深刻印象？Shirley心心眼表示：「如果我遇到一個本身就好正嘅人，我喺佢面前，係完全唔敢出聲，我真係會好淆底，佢同我講嘢會好緊張。我諗拍劇啦，魯生（魯庭暉）可以試下開佢霸道總裁我嘅劇，拍劇有台詞冇咁尷尬，主持就要多互動。」連詩雅見她講起Jeremy已經好緊張，叮囑她下次見面要扮鎮定，Shirley儍笑：「我一定會，我可能會跑走。」蝦頭揚言要幫手製造機會，她相信節目出街後很多人會私訊 Jeremy。不知ViuTV會否真的製作新節目或開劇，促成兩人合作？其實上月MIRROR公布開演唱會的發布會，正是由Shirley擔任司儀，而Shlirley跟Anson Kong很老友，要進一步認識也不難。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
