喬寶寶在社交網上載他與河國榮及布偉傑的黑白合照。
河國榮（Gregory Charles Rivers）昨日（2日）驚傳在西貢家中燒炭輕生離世，終年58年。有指河國榮患有抑鬱症，疑因去年喪妻而輕生。好友布偉傑得知好友逝世十分難過，他表示大概一個禮拜前先知河國榮面對緊喪妻之痛，「我都有試過搵佢，不過佢冇覆。 呢一刻只可以『節哀順變』，希望大家好好珍惜身邊嘅人。雖然個世界越來越亂，但係我相信只要我哋做好自己本分 - 好好跟隨耶穌基督 - 天父會加固我哋。有時好人要面對嘅挑戰俾壞人仲難過，冇人知點解，但係耶穌嘅犧牲可以彌補所有。」
歌手雷深如（J.Arie）2014年因拍攝電影《死開啲啦》與河國榮結緣，二人更於2019年正式上契。J.Arie得知噩耗後非常傷心，並在IG限時動態以黑底白字表示︰「謝謝各位關心 ，暫時不便回應 ，望體諒...」而河國榮好友喬寶寶亦有在社交網上載他與河國榮及布偉傑的黑白合照，留言︰「你的離開是我們共同的遺憾，我們將永遠懷念你。願你在天堂找到真正的平靜和安寧。希望你知道我們會永遠想念你，並將你留在我們的心中。願你的靈魂在永恆的寧靜中安息。 」
🎁 amJetso請你睇《焚城》，快Ｄ開APP玩👇 👇
