泥鯭@RubberBand在社交平台出PO寸姜濤，搞到帖文引起罵戰。
ViuTV的《CHILL CLUB 推介榜 年度推介 22/23》日前圓滿結束，不過現場的音響、入座安排、流程及賽果都引來網民狂轟，尤其是男歌手獎及組合獎均由ViuTV旗下的MIRROR、ERROR及COLLAR瓜分，有網民坦言感覺到一陣「大台味」，並笑頒獎禮像《勁歌金曲頒獎禮》只頒自己友。
當晚獲得「CHILL CLUB年度樂隊」銀獎的RubberBand沒有出席，但成員泥鯭就有留意直播，並在其社交平台作評論。當晚姜濤獲得男歌手銀獎之後，在台上向MIRROR各成員講心底話，泥鯭留言說︰「多謝說話定係『鼓勵』說話？！WTX？！係咪short X咗？！修哥都講唔出啦」。當頒獎禮接近尾聲時，他再留言︰「嘩，頒唔尷尬，攞唔尷尬，唯有睇嘅尷尬」、「又一個大台誕生」、「依家諗返當年亞太區最受歡迎男歌手真係『實至名歸』」、「下屆叱咤司儀會點玩呢段感言？」
泥鯭直接標明「鏡安公署」
泥鯭的留言似乎批評《CHILL CLUB 推介榜 年度推介 22/23》只是偏幫自己友，及指姜濤的感言有問題。有姜濤的粉絲到其帖文留言，鬧泥鯭的留言尖酸刻薄，「你哋以為自己喺樂壇大哥？無品！」、「留言同揀女人一樣無腦，要黃心穎」、「雖然你哋一把年紀，不過仲有時間努力嘅，唔好再妒忌人啦」、「簡直幾十歲人低層次」、「顧好自己條女先啦」、「身為前輩講D咁嘢！抵你無運行！」亦有食花生的網民留言說︰「有人犯姜安法，RIP」泥鯭今午更上載涉批評姜濤的留言的截圖，並附上藍白封條，上面更打上「鏡安公署」，直線抽擊圍攻他的MIRROR粉絲。
泥鯭這則帖文自嘲觸犯了國安法。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
