洪永城老婆Inez自爆曾得800蚊收入 迷失方向時沉迷飲酒

洪永城2021年與模特兒女友梁諾妍（Inez) 結婚，同年誕下「Sir Face」洪靖嵐（Amber），今年3月再誕細女「Sir Face2.0」Beryl，一家四口生活幸福美滿。日前，Inez就在社交網拍片分享入行辛酸史。

Inez 表示自己從20歲到30歲的變化好大，當年由加拿大返港時，即被邀請加入模特兒公司：「頭三年嘅模特兒生活呢，我自己係覺得幾好嘅。」但到了2016年時，Inez 大約24、25歲，因為當時有來自韓國以至西方的模特兒來港搵食，競爭變得相當大，令她工作量大減，她自爆：「工作少咗好多，收入真係好少。我好記得嗰陣時，我喺香港可能一個月得一個平面廣告，收得800蚊，一個月得800港紙嘅收入。好慘、好無助、迷惘。」 她續指自己在無助時認識了一些損友：「飲酒呀，可能飲得好醉呀，唔知自己做咩好呀！」後來Inez接觸了跑步，改變了她的人生，除改了壞習慣，亦令她逐漸找到人生目標，同時亦認識了洪永城。現在的Inez 在銅鑼灣開健身中心，更在網上經營營養補充品的代理，粒揚言就算到80、90歲仍會繼續跑步。