香港新一代型男王智騫(Martin)與范麒智(Kenji)主演BL劇《靈魂約定》。
以男男CP上陣成功突圍的昇陽娛樂的香港型男王智騫(Martin)與范麒智(Kenji)，近日到台灣為主演的BL劇《靈魂約定》進行拍攝；劇集改編台灣原創小說《靈魂的約定》，講述靈魂交換的故事。69歲老人靈魂穿越到20歲孫子身上，與室友共譜出一段命運錯綜交織的特別情緣。Martin與Kenji除有親嘴戲，更有床戲及裸露鏡頭。為投入角色，二人在現實生活中更展開同居生活。
二人赴台開工，初體驗同居生活，為角色更睡同一張床。Kenji表示：「感覺都唔錯嘅，因為平時佢會煮嘢我食，我就負責洗碗。」Martin就指Kenji在生活上一些生存技能比較依賴他，Martin說：「佢平時做嘢比較慢，我就比較急，所以我成日都要喺旁邊不斷催促佢。」
兩人在劇中有多場親熱戲。
兩人在粉絲應援物前拍照留念。
為裸露勤做gym
提到二人在劇中飾演大學情侶，畫面有親嘴親熱戲，亦有床戲，對他們而言感覺新鮮，而且又大挑戰，Martin指：「其實今次喺劇中有海量嘅裸露鏡頭，所以唔使開工時，我哋好努力做gym，以最fit身型上陣。」問到二人最尷尬的戲份是否咀戲，他們認為咀戲並非最尷尬，Martin說：「我哋玩遊戲都有咀過，唔會太尷尬。反而有啲鬧交戲、感情對話，仲尷尬。因為平時對話好少會咁deep talk。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
