游嘉欣表示十分期待今屆奧運來臨，特別支持劍擊運動，希望香港劍擊運動員代表可再創佳績。
游嘉欣今日(14日)到始創中心出席《世界體壇珍品─歷屆吉祥物珍藏展》開幕禮，55件極為珍貴且難得一見的歷屆奧運吉祥物收藏品在商場內展出。大會更安排「2023香港霹靂舞大獎賽」冠軍得主表演霹靂舞，更和現場觀眾一起玩遊戲。游嘉欣在活動上學習了簡單的霹靂舞動作，表示求學時有學跳舞，但以jazz為主，今日是她首次接觸霹靂舞。
游嘉欣在活動上學習了簡單的霹靂舞動作。
晒黑幾度
她稱剛於台灣拍攝完劇集回來，因台灣炎熱天氣下曬黑好多，但拍攝中途病病倒了，手部出了不少紅點，立即在當地求醫，幸好已經痊癒。她表示雖然做足防曬工作，但仍然黑了幾度，加上自己非常惹蚊，雙腿更被蚊叮到一撻撻，令她今個夏天不能穿短褲。
唔係做私影妹
早前有傳媒報道她在台灣做私影，她表示看到標題時嚇了一跳，她說︰「其實喺台灣唔使拍攝嘅時候去咗遊覧，中途遇到一位攝影師，佢show咗IG俾我睇，見到佢仲遊客影咗好多靚相，攝影師又邀請佢影相，所以應承咗，我覺得啲相影得幾靚，遲啲自己都會post返出嚟俾大家睇吓！」
🎁 amJetso請你睇《焚城》，快Ｄ開APP玩👇 👇
