《漁樂無窮》由Serrini和許賢擔任主持。
由Serrini和許賢主持的《漁樂無窮》，今晚(19日)將播出的第五集，請來有兩年「釣齡」的ToNick鼓手葉晨曦(晨曦) 擔任嘉賓。3人往西貢早禾坑碼頭，初次嘗試「踩水釣魚」。面對水中的爛泥，3人寸步難行，許賢Serrini相繼跌到，獲晨曦攙扶的Serrini大表感謝，「唔該，手拉手行係無咁易跌喎。」事後晨曦說笑：「行路個part係最困難，但扶完佢(Serrini)之後有啲後悔，一個跌就一個跌，如果我扶住佢，一個跌就會變咗兩個一齊跌，咁樣好危險。」許賢則非常享受踩水釣：「真係融入咗大自然，被成個海包圍，我join咗個大自然嘅感覺無得頂。」
晨曦自封「屯門打龜王」
拍攝當天久久未有漁穫，Serrini和晨曦各有悟。自稱「屯門打龜王」的晨曦感慨：「好似人生縮影，唔能夠話今次釣唔到就唔出發，就係要有盼望同做好多準備，機會一來先會釣到魚」Serrini指：「要相信過程係最重要，可能以為努力就會有成果，但其實要聰明，一釣唔到，兩三下無就要即刻轉位。」
amJetso 送BIODERMA救星小紅瓶🩷護膚恩物 立即按此參加👇
