演出滙豐新一輯理財廣告 偉仔撐硬嘉玲演舞台劇
梁朝偉近日為滙豐銀行拍攝新一輯理財廣告，今日於中環舉行發有會，他與太太劉嘉玲一起現身出席活動。偉仔稱，自己不是好懂識理財，加上他與嘉玲均是財政獨立，理財一直交由專業人士去處理，他說：「自已唔識點理財，拍戲又拍咗四十幾年，對投資又冇乜興趣，所以交俾專業人士負責。」
剛與嘉玲前往不丹旅遊的偉仔，問到此行是否再度蜜月，他說：「我哋成日都返去不丹住下，都唔係今次先返。」太太即將主演舞台劇，問偉仔可有興趣同台演出，他說：「其實我有自己題材嘅戲想拍，依家開始籌備緊，好可能會做監製。」他又指，非常支持嘉玲演舞台劇，又說必定會到場觀看老婆演出。
提到張家輝近日重返電視圈，夥無綫班底蘇萬聰、歐冠英總拍刑偵劇，並計劃在澳門逗留數月拍攝。偉仔表示：「有好劇本好計劃，不論電影或者拍劇，我都冇所謂，最主要睇我對個計劃有冇興趣。」
amJetso 送BIODERMA救星小紅瓶🩷護膚恩物 立即按此參加👇
