不戒意公開燒鵝妝容的Gigi。
今日萬聖節，樂壇小天后炎明熹(Gigi)，早前與一班《聲夢傳奇》隊友去海洋公園「哈囉喂」，被林智樂前幾天率先曝光了她的造型，昨晚Gigi終於忍唔住，於IG自己爆料造型的來歷，她寫道：「謝謝我的大學同學幫我化這個妝(本身諗住自己化，但係覺得好似好lonely之後就搵咗佢一齊！)，今次這個盲盒襯衫不成功(睇相就知……)同埋我嗰日着咗件Heattech喺入面，好熱。」
造型模仿日本幽靈的Gigi又指，「今次我扮嘅係燒鵝，頭上兩把火，再加胸前的燒鵝(有啲押韻)，我化完妝之後，不對，就嚟化晒嘅時候我就已經開始笑，笑到上車去到海洋公園嘅時候仲繼續偷笑緊，勁驚人哋以為我係咪發生咗啲咩事，再加上呢個妝然後就好詭異(又押韻咗)，不過圖3的我像不像一隻鵝企住咗。頭大身細咁。」
Gigi又以遊記方式，紀錄當日與《聲夢》隊友暢玩「哈囉喂」的實況：「入鬼屋的時候，情景如下：『Venus(林沚羿)：好恐怖啊，好恐怖啊，嘩！後面仲恐怖(即係我)』、Sherman(潘靜文)：『Gi你個樣好恐怖』、Gi表示：『我已經用力扮緊可愛』果然恐怖冇藥醫，同埋今次大家帶我挑戰咗海洋公園我最唔敢玩嘅2個項目，但係因為你哋令到我又成就解鎖咗，唔太驚仲覺得幾舒服！大家可以估吓邊兩個項目？仲要一挑戰就挑戰最高係數→坐最尾！」
將恐怖燒鵝妝容公諸於世的Gigi，又問：「大家以後見到我會唔會有陰影？」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
