正與太太趙雅芝到西安出席《第五屆絲綢之路國際電影節》的黃錦燊，剛完成劇集《多功能老婆》的拍攝工作，當年由藝人轉戰律政界，當了20年大律師，黃錦燊竟然選擇棄做大律師，復出拍劇的原因，他稱全因監製陳寶華。
問到會否介意與太太趙雅芝合作拍戲，他坦言不會刻意安排，若劇本合適不會抗拒。
當了20年大律師，竟然選擇放棄大律師工作，全因被陳寶華的劇本打動，黃錦燊表示︰「我自1999年轉職大律師後，已經冇拍戲十幾廿年，不過陳寶華年初去北京斟我拍劇，我俾劇本吸引，加上以前合作拍《真情》時好開心，所以自動向大律師公會『除牌』，何況大律師除名後都可以隨時申請再『掛牌』。」
謙稱是新人唔敢俾意見
黃錦燊指，陳寶華的劇本非常出色，他笑說：「陳寶華編寫嘅劇本好過癮，對白非常精彩同搞笑，當中有啲煽情位，演員好易產生共鳴，容易投入角色，所以大家做對手戲時火花四濺。」問到與周柏豪演對手戲，黃錦燊坦言父子戲當然會有衝突，但不敢給予導演意見，他續說︰「我有同導演、監製提出意見，不過佢哋未必接受，因為我係『新人』嘛！哈哈。」
黃錦燊踢爆劇中一班演員，因為對白太搞笑，須經常忍笑。
amJetso 送BIODERMA救星小紅瓶🩷護膚恩物 立即按此參加👇
