無限超越班｜王星被王晶要求上演被綁架戲碼 網民斥：二次傷害
內地演員王星今年初被假劇組騙到泰國拍戲，更被載往緬甸詐騙園區，與女友嘉嘉有過一次視頻通話後，就與外界失去聯繫，幸得女友於社交平台上發文求助並報警處理，令王星成功獲救回國。近日，王星參加內地演技真人騷《無限超越班》，評審之一嘅王晶要求佢上演被綁架打畀女友嘅場景，被網民直斥係對王星嘅二次傷害。
網民認為節目組刻意炒作大罵王晶無良
王星面試《無限超越班》時坦言，曾拒絕好多翻拍自己經歷嘅邀約，但估唔到下一秒評審王晶就叫佢演繹一幕被綁架嘅戲碼：「你是被綁架的男主角，隨時可能被撕票，你現在有一次機會打電話給家人或女朋友」，王星當時先打畀媽媽，但無人接聽於是再打畀女友，一開始佢就強顏歡笑要女友抱貓畀佢睇，之後就開始聲淚俱下，叫女友自己好好過生活，承諾：「等我回來，一定帶你去看北極光。」
唔少網民認為節目組刻意炒作，又大罵王晶無良，甚至發起罷睇：「往人家傷口上戳」、「揭人家傷疤，人血饅頭好吃嗎？」、「這節目真是無人性無下限」、「他這輩子是擺脫不了被綁架這件事了嗎？」、「哪裡是在演，是在回憶惡夢」、「非要讓人家回想起不好的經歷」 等等。
原文刊登於 Yahoo 娛樂圈
立即更新/下載AM730手機APP 體驗升級功能
