郭羨妮(Sonija)昨日出席護膚品牌活動，席間她大爆愛女雖然只得5歲，但已經非常貪靚，甚至要求Sonija為她化妝。
Sonija昨日以一身性感低胸連身裙出席活動，訪問期間，話題總離不開女兒，當被問到會否與愛女一起護膚時，她笑言：「佢仲未有需要(護膚)，不過佢好鍾意睇我化妝，亦好貪靚。(有為她化妝嗎？)因為佢有時要上台表演，所以都有幫佢化妝，佢仲會要求我化得靚啲，但我覺得唔好化咁濃，亦唔鼓勵小朋友平時化妝。」
欲再生小孩
提到早前母親節，囡囡送Sonija一朵花作為禮物，令她非常窩心。談及近況，Sonija表示：「囡囡就快生日，佢爸爸會返嚟食番餐好嘅，囡囡甚至已經講好咗，禮物想收花。」Sonija又透露，因為丈夫工作繁忙，故此暫時難以實行造人大計。至於會否接拍劇集，她表示：「要考慮下，因為我想追多個小朋友，唔想太辛苦。」
Sonija性感打扮現身活動。