叻哥同唔少大叔一樣，對時局好多意見
叻哥陳百祥日前同4月中生日嘅太太黃杏秀，以及5月初牛一嘅電影導演王晶一齊慶祝生日。叻哥將當日片段放上小紅書，不過條片大部分內容，都係叻哥對近排世界局勢嘅睇法。
正如有網友留言話「現在每一桌話題都是關稅」，陳百祥席間當然都講大國角力，仲講到手舞足蹈。叻哥表明「打唔贏中國」，認為國家派十萬架無人機就贏梗，講到興起甚至爆粗「一打仗就更加x街」，要靠後製用嗶聲遮住。
派十萬架無人機就贏梗
叻哥又話「加拿大同歐盟都x返特朗普轉頭」，反觀「我啲盟友全部我啲『0靚』嚟嘅……非洲、南美所有生產鏈都係靠中國」。不過陳百祥都好清楚咁話：「淨係得一樣嘢暫時冇得take over（取代），世界仲係講英文未講中文，講埋中文你就xxxx。」
雖然叻哥條片caption話「我老婆&王晶生日快樂，同一天生日雙喜臨門」，但係去到片尾先見到2位壽星黃杏秀同王晶切蛋糕，而叻哥同晶嫂都紛紛吻賀另一半。
原文刊登於 Yahoo 娛樂圈
立即更新/下載AM730手機APP 體驗升級功能
