胡鴻鈞、姚嘉妮、羅天宇及何依婷等，今日於紅磡宣傳《十月初五的月光》，與姚嘉妮談到她的表演獲網民大讚，並推選她奪「最佳女配角」，她說：「呢排收到好多鼓勵說話，開心到唔識點形容，不過當初接到角色時，都有好大壓力。」
姚嘉妮指，現在反應良好，終可鬆一口氣，問到可想得「最佳女配角」，她答：「坦白講，有當然好啦，我唔拘，不過知好難，因為好多候選對手都好好戲，(會可主動拉票？)都係屋企人幫我拉票，都唔知得唔得，雖然未必得獎，不過總比零票好，依家提名當自己攞咗獎，開心咗先。(出街有否多了觀眾稱讚？)我好少出街，怕俾觀眾鬧，同埋我戴口罩啲人點認得我。」她又預告下星期其角色會更衰，並有捉姦劇劇情，「不過冇床上戲，因監製嫌我太瘦，心口冇肉。」
amJetso 送BIODERMA救星小紅瓶🩷護膚恩物 立即按此參加👇
