開騷在即的Linda稱，暫時不緊張。
女歌手王馨平(Linda)今日為即將舉行的演唱會進行彩排，演唱會臨近問她有否感到緊張，Linda說：「唔緊張，反而非常期待！因為距離上一次開演唱會已經有10年時間，今次演唱會其中一個目係為咗紀念我爸爸王羽。」作為瑜伽導師，Linda擅長情緒管理，現在她感到十分興奮和期待。
Linda 指，開騷前一日仲要教瑜伽班，因此非常繁忙。
對於疫情後首次舉行個人演唱會，她指每日都在練習歌曲，但並沒有影響教授瑜伽的工作。她分享道：「要教到開騷前一日，我好多學生都話買咗飛，不過有啲學生只買到單邊位，問我有冇辦法(能否換座位)，我冇理呢啲，開到騷都好難得，因為係臨時有場地。」她稱對票房並沒有太大的壓力。
談到演唱會的服裝會否性感，Linda指明天試造型才合，又稱：「睇過設計圖，覺得有啲性感，不過因為之前扮演過美少女戰士，所以唔會有重複某啲造型。」
Linda明天試造，又稱看過造型設計圖，覺得有點性感。
amJetso 送BIODERMA救星小紅瓶🩷護膚恩物 立即按此參加👇
