小方直言本身不是浪漫型男仕，與家族遺傳有關。
由麥玲玲帶領胡美貽（Nicole）、施焯日（Arthur）主持的清談節目《玲玲友情報》，今晚（27日）一集主題為「從今開始該好好戀愛」，並請來「飛魚王子」方力申作客。
外表俊俏的被認定為花心、多女朋友的小方，玲玲師傅一開始即為好友平反，力證小方是乖仔一名，她說︰「因為你靚仔、識運動、單身無結過3、5、7次婚，人哋會覺得你有問題。」她形容小方男歡女愛模式，仍停留在古代︰「同佢講嗰個（女仔）幾好，你約佢出嚟食飯啦。佢都會拒絕，話驚人誤會。」小方直言目前為止，跟異性單獨約會食飯次數，不多過5次。小方解釋自少練習游水，細個拍拖不敢太張揚，他說︰「驚畀啲家長話你咁細個拍拖，之後就由游水即刻跳入行，又要保護形象，一拍嗰個又拍咗咁鬼死多年，根本都無時間約會其他女仔。同埋如果我唔夠鍾意一個人，係唔會開始，分手好煩、好辛苦。」小方直言本身不是浪漫型男仕，與家族遺傳有關，從少到大都沒有見過父母手拖手出街，莫講話稍為親暱的舉動，他說︰「所以你從來無見過我放閃、唔會影到張相我喺街拖住女朋友呀。」話口未完玲玲師傅即刻叫小方要跟Nicole學習，擺明笑她近日傳得甚盛的放閃緋聞，躺着中槍的Nicole只能尷尬陪笑。
amJetso 送BIODERMA救星小紅瓶🩷護膚恩物 立即按此參加👇
