甄子丹與太太汪詩詩等昨出席馬場活動，觀賞賽事。他透露，將於明年底開拍《葉問4》，然而現階段尚未知道故事內容，選角亦未定，留待導演去考慮。
早前有報道指《葉問4》已落實開拍，甄子丹昨日透露：「最快明年底開拍，目前我要拍其他戲，加上距離拍《葉問4》仲有一段時間，所以劇本交咗俾導演去諗，相信佢會加入一啲新鮮感俾觀眾。」至於會否邀請太太或熊黛林演出，他稱：「依家只係初步階段，我連故事內容都唔知，選角方面當然亦未決定，所以都係留番俾導演去諗，或者下星期我問下導演。」
自爆酒量差
席間，甄子丹自爆早前跟劉嘉玲和呂良偉聚會，當被問到酒量如何時，他笑言：「我嘅酒量並唔係大家所諗咁厲害，只係飲少少啤酒就會醉，當然冇可能同劉嘉玲比較啦！」他又憶述跟太太結婚前的一件趣事，「有一次一齊出席公眾場合，當日我只係飲咗少少酒，就立即醉到趴喺枱上面。不過，經過多年出席應酬場合嘅訓練，我嘅酒量已經進步咗。」
本港單車手李慧詩亦有到場觀賞賽事。
限時早鳥優惠 火速訂位 | am730母親節溫馨晚宴 $5000福袋等你拎!
