陳啟泰的新節目請來胡孟青、鄭萃雯、李燦榮、項明生等任嘉賓。
陳啟泰、胡孟青、鄭萃雯、李燦榮、項明生等，前晚為《「1000萬求一路」尋回昔日香港總決賽》進行錄影，因武漢肺炎肆虐，節目要限制入場人數，避免人群聚集，主持陳啟泰亦有戴上口罩，他指工作大受影響，希望疫症盡快過去。
陳啟泰一見傳媒即大肚苦水，指本月只得這個節目工作，他說：「我同黃又南10年前合作過一個旅遊節目，本應3月去台灣拍攝，依家因當地封關，要延至4或5月先可以拍攝，有啲內地工作都要延期。」陳啟泰又希望疫症盡快過去，問他損失多少，他續說：「錢唔係最重要，我喺屋企可以做其他工作，自己盡量留喺屋企，暫時唔使撲口罩，唔想同要返工或者缺口罩嘅人搶口罩。」
每到拍攝及訪問完畢，陳啟泰都即刻戴上口罩。
對流感較大感觸
陳啟泰稱，可能經歷過沙士，大家對今次疫情非常謹慎：「香港暫時只有幾十個確診，一個不幸離世，當然唔希望再有人死，我覺得要小心一啲，但唔使過分緊張，我哋每年都有得打流感針，每年因為流感而死嘅人有幾百人，一定嚴重過依家個情況，美國因為H5N1死萬幾人都好少人提，我覺得件事都幾蹺蹊。」他又指，對流感較大感觸，「我有兩個朋友因為流感而離世，其實流感都好危險，如果大家都重視流感，對今次疫情心理上會舒服啲。」
amJetso 送BIODERMA救星小紅瓶🩷護膚恩物 立即按此參加👇
