余慕蓮最後一次亮相，已是去年11月與大姐明林建明等好友聚餐。
83歲的余慕蓮(魚毛)去年因肺纖維化入住ICU，期間傳出她患上癌症。由於細菌入肺，魚毛一度需要插喉呼吸，及後情況好轉，現在普通病房休養。魚毛現時可以每天與朋友傾電話，今日她則與港台DJ車淑梅通電話，聲線沙啞的她表示自己早前才拔喉，所以不太夠氣。
余慕蓮插喉多個月，令她說話有困難，幸現時可以與朋友傾電話，重拾說話能力。
魚毛稱因為插喉關係，已有數月沒有說話，「唔可以講太耐，唔夠氣。」並表示已打了給十多位朋友傾偈。淑梅姐續問到有甚麼說話想跟粉絲說，魚毛說︰「我希望早啲可以食嘢，因為我而家係飲緊流質，希望我可以食嘢，我有力先至可以起得身，我而家仲係瞓喺張床度，大小便都要用片。」問到最想吃甚麼，魚毛嘆氣道︰「唉，乜都想食，幾個月未食過嘢。同房嗰啲，朝早就早餐，晏畫就中飯，晚黑又晚飯，但我乜都唔食得，驚我吞錯格。醫生話要等營養師照X光，睇吓我識唔識吞嘢，如果唔識吞就怕哽親。」
余慕蓮表示未知何時才能出院。
魚毛稱現時有做物理治療，要看情況才知何時出院，「唔知幾時出院，唔敢講，要睇情況，食得嘢先至有力起身，長期瞓床背脊都損咗。」最後她又多謝大家關心，而淑梅姐則叮囑魚毛多保重，並在社交平台留言道︰「好人有好報，一定很快全面康復！」
車淑梅在Facebook祝願余慕蓮早日康復。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
