盧覓雪日前貼出攝於山形縣的照片，與四眼男同穿日本浴衣即惹來揣測。
盧覓雪日前展開日本之旅，除在東京以馬拉松式瘋狂購物外，又到山形縣浪漫睇雪，被雪包圍凍到雪雪聲，並對住一望無際的雪景食飯。日前，雪雪在社交網分享在山形品嚐季節旬味山菜宴，連甜品一共食了13道菜，真正飲飽食醉，雪雪還貼出一張大合照，見她與一名金毛眼鏡男齊穿日本傳統浴衣排排企，雪雪更風騷擺出可愛甫士，因兩人穿「情侶套裝」立即引起揣測，令人懷疑雪雪終於宣布出pool。
盧覓雪否認戀情，解釋身旁男子的太太當日也有同場。
入鄉隨俗必換浴衣用膳
疑似有着落後，盧覓雪可能被人連番恭喜，今日她更新Facebook及IG，並寫：「今次東京返嚟，除咗介紹戰利品，都要澄清一下緋聞。話說我次次去溫泉酒店都會入鄉隨俗換件浴衣去食dinner，點知今次我換完落到去，我啲fd全部冇換，得太郎先生着咗！我哋仲興高采烈咁合照！呢位貌似John Lennon或者John Wick嘅太郎先生係山形縣人，就係因為有佢同太太小白合兩位地膽帶路，我哋今次先有得eat like a local！」雪雪否認戀情，續指：「所以大家如果誤會咗就真係想得太多，笑死死。」
【立即參加】送香港迪士尼樂園一日門票！
