石修及米雪最近到馬來西亞拍攝劇集。
石修及米雪日前到馬來西亞為當地劇集《名門》進行開鏡儀式。在《名門》中，米雪飾演的上流名媛顏麗萍，是飾演富商的石修的第二任妻子。在丈夫逝世後，米雪原本扮演的賢內助角色，被迫面對家族內部的紛爭壓力，面對多方壓力。
米雪與石修再合作，今次到馬來西亞拍劇。
米雪和石修自1979年在電視劇《絕代雙驕》初次合作後，至今已合演五次情侶，這次終於「修成正果、共諧連理」，飾演夫婦。石修表示二人的「夫妻情感」已培養多年，「三、四十年前，我同雪姐已經係演情侶。」米雪接着說：「可惜冇開花結果。」
石修笑謂：「雪姐一路唔肯應承我，今次真係非常之好彩，一開始我哋已經係夫妻，我有結果、有答案啦，哈哈。」談到劇中角色，米雪直言石修都是一貫的「靚仔、有型、有錢」，石修聞言即謂：「如果要配合雪姐，我一定係要咁樣，哈哈。」
米雪今次扮演石修的第二任妻子。
米雪自言經常到馬來西亞，石修則多年未有到訪，這次一到埗便瘋狂開開餐，「食咗好地道嘅肉骨茶，個味係特別香、仲有潮州小炒、海南雞、仲有一個好特別嘅芽菜仔，我直頭夾兩啖芽菜就可以送到一碗飯。」聽到石修狂食，「太太」米雪即溫馨提示：「喂！唔好食咁肥啊，要開工㗎。」石修即聽話回應：「我知道㗎啦，但有時忍唔住，因為太多好嘢食。」二人認真恩愛。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
