楊受成向黃子華送出自己的珍藏名酒，並送了一隻綠水鬼予許冠文。(娛樂組攝)
《破‧地獄》票房超過1億4000萬，今日舉行「破･紀錄千人慶功宴」，老闆楊受成送出名酒予黃子華，許冠文就獲贈價值10萬名錶，其餘演員就獲贈金牌。現場更有醒獅、舞龍助慶，非常開心。
要生女先飲得到
黃子華收到來自Domaine de la Romanee-Conti的名酒，估計他收到那支值二十多萬。子華直言「呢支酒係我飲唔起」，連他自己也沒想過會收到。他又引述楊受成當日送他這支酒的情況，子華說︰「我係舞台劇後台話我飲唔起，老闆就話你生女個日就開啦！今日要徵求有人同我生個女啦，如果唔係呢世人都冇資格飲呢支酒！」楊受成在旁說︰「黃子華搵女士生個女喎！真係爭崩頭！」
黃子華手上的名酒估計價值廿萬，楊受成表示自己只得幾支。(娛樂組攝)
自爆戴50蚊手錶
許冠文就提到兩個月前跟楊受成食飯，自己當時戴住在深圳購入的50元手錶，並謂當時楊受成跟他說︰「咁渣嘅錶都帶得出嚟！我其實係未戴過靚錶！」楊受成聞言說︰「我係話Hello文，你出街唔好話識楊生，我真係無面同你做朋友！我係香港都係鐘錶大王，你戴呢隻錶，邊有資格同我做朋友呀？」許冠文表示收到楊生送的錶不敢戴，「呢隻錶真係好貴，行出街會俾人斬隻手！」
許冠文因為戴50元的手錶，楊受成看不過眼，於是送他一隻綠水鬼。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
