董敬文大爆雖然拍攝時劇組喺真冰入面加咗啲假冰，但比例只係好少，因為想拍出真實感。
TVB劇集《破毒強人》昨晚（3日）最精彩一幕、是「毒梟」福田（蔣志光飾）與太太淑賢（朱智賢飾）表面幫重獲自由的文華（陳豪飾）洗塵、實質是聯手試探文華是否有意重新染指毒品生意，福田更事先Call定殺手在場stand by。經過一輪皮笑肉不笑的拉鋸，文華竟出其不意表示想做書店老闆，令原本「如箭在弦」的福田即時「收油」，並堆起虛偽笑容表示支持。除了陳豪與阿蔣高手過招，朱智賢的演技亦十分出色，不時配合阿蔣的「談判」節奏、在適當時候出口幫拖之餘，臉上的微表情變化亦相當細緻自然，網民亦認為她演得有霸氣。
其實自劇集開播，阿蔣與朱智賢這對CP已引發熱討，除了本身的年齡差、阿蔣與朱智賢之前在劇集《食腦喪B》是父女關係，如今朱智賢升呢「蔣太」，就連同劇的何廣沛亦笑言「接受唔到」。阿蔣笑言：「喺《食腦喪B》何廣沛同朱智賢飾演我仔女，有一日何廣沛同我講：『好難接受到你同家姐喺埋一齊囉』。不過要朱智賢做我老婆，又確實難為咗佢。」阿蔣又大讚朱智賢很入戲，似足「撈家婆」。談到演大反派，阿蔣坦承是大突破，並笑指在彈奏古典音樂方面遇到的困難比起演戲還要多：「因為我冇正統音樂訓練，再加上希望多幾首樂曲喺劇中穿插，咁先唔會太單調，代價就係要不斷痛苦咁練習。」
董敬文凍到入心入肺，但依然專業。
昨晚另一爆位，是文華為了幫章琳（胡定欣飾）救回有錢客戶Michael（董敬文飾），將其放入注滿凍水的浴江之餘、更一再向他身上倒冰，視覺效果相當震撼，睇到都凍。董敬文受訪時笑指接到劇本時很期待相關場口，並笑言事前最大的準備功夫，是在現場狂包保鮮紙：「一去到同事已經畀咗幾卷保鮮紙畀我包身，所以喺現場最忙就係包保鮮紙，但又要留意唔可以包太多，因為一來望落會腫脹、同埋會外露穿崩、所以要就住啲衫嚟包。」雖然盡可能做足保暖措施，但董敬文坦言被冰狂淋一刻，「終於知咩係凍到入心」：「平時從來冇機會感覺到咁凍，雖然已經包咗好多層（保鮮紙），但原來只係好少作用，可想而知如果冇包會點。」
董敬文續指每次拍完一個鏡頭，都會馬上起身離開冰池，以防生病，並感激幕後及同場演員的貼心關懷：「我每次一起身幕後同事就會遞薑茶畀我驅寒，定欣、阿Mo同廣沛都好care我，落水前教定我要點，例如幾時開始擘大眼、幾時開始噴泡；亦好關心我，每次上水都叫人畀毛巾同畀熱水我。」董敬文透露相關場口來來回回拍了約五、六次，並笑言每次落水前都要鼓起勇氣及深呼吸，並謂為了配合拍攝，有刻意將身體在水中沉很低，相當專業。
立即更新/下載AM730手機APP 體驗升級功能
