洪嘉豪首開腔回應與Ivy so戀聞。
洪嘉豪(Kaho)與COLLAR成員蘇雅琳(Ivy So)的緋聞早前在網上洗版，有網民指兩人秘戀逾一年，已是樂壇的公開秘密，不過女方曾在IG限時動態po了48個「No」字，疑似是否應戀情。Kaho昨晚(18日)出席賀片《祥賭必贏》首映時，首度開腔回應，他表不清楚對方是否回應緋聞，亦不方便代答，但強調與Ivy So只是普通朋友。
嘉豪坦言，事件受廣泛討論，罕有地連洪爸爸也留意這消息，「連一個不問世事嘅我阿爸，無啦啦都send條link過嚟，但又唔講嘢，我就知一個連時事都唔睇嘅老人家，佢都留意到，咁即係好多人討論呢件事喇。」緋聞起點是因為《困獸鬥》節目片段，「其實當時拍節目真係亂來，而我亦一早知入面嗰個係WinWin，為咗綜藝效果我先講（Ivy So），導致有咁嘅揣測，而呢一兩年佢加入咗商台廣播劇，本身我係成員之一，咁唔知係咪因為咁令大家有呢啲想法，希望大家唔好亂諗。」
洪嘉豪客串參演賀歲片《祥賭必勝》。
至於兩人可有發展空間，洪嘉豪大叫各位口下留情，「我覺得呢件事都好似影響咗對方同好多人，唔好搞啦，好攰。」他澄清《黑玻璃》由陳詠謙填詞，歌詞「接吻接到無法公開」亦是對方創作幻想，又強調自己沒有對象。
談到在《祥賭必贏》與蔡卓妍(阿Sa)合作，Kaho表示感覺夢幻，他形容阿Sa是「耳機裡的人」，以前只能在耳機聽她的歌聲，沒想到能夠真人合作，「見證到佢的保養，可以靚到呢個地步。」他直言起初也戰戰兢兢，但阿Sa見狀即主動提議拍攝前對戲，毫無架子。
入App免費拎23大商場蛇年利是封
