有網民錯認球場上的波友是姜濤。
MIRROR成員姜濤是出名的籃球愛好者，只要他有時間便會到維園打波，早前他在「生 Bear 盃籃球明星賽」中更獲得MVP。日前有網民表示自己打波時遇到姜濤，從他上載的影片見到一名髮型跟姜濤很相似的男仔身穿黑色上衣及紅色波褲在球場上打波。身形驟眼看跟姜濤日前在「生 Bear 盃籃球明星賽」的相近，奈何髮色完全不對，只是人有相似。
姜濤︰下次問清楚先影呀～
由於樓主的影片tag了姜濤，他本人亦有回應，否認影片中的人是自己，他留言說︰「我都希望我對手有咁長。下次問清楚先影呀～」原本影片引來一批fans批評樓主搏流量，指「呢個人雙手過份長，同埋姜生不是黑頭髮，行路姿勢完全另一個人。」、「有眼耳口鼻都係姜濤～ 哩個一睇就知唔係啦！樓主係咪未見過姜濤真人？」、「樓主點錯相，都唔捨得刪post?」、「求其影個人就話佢係姜濤，咁嚟賺流量得咩？」
但當姜濤出來回應之後，有網民就讚樓主犀利，可以引到本尊回應，希望樓主不要刪po，也有fans回應表示也希望可以換到姜濤關注，非常葡萄樓主。甚至有人留言說︰「睇嚟我哋都要求其影個人話係你，等你上水覆我哋先得。」
【立即參加】送香港迪士尼樂園一日門票！
