羅啟豪請來鄧家豪、馮志豪一齊jam歌。
羅啟豪與歌迷會籌辦的《相信 相信羅啟豪Believe In Ramon Lo Busking Tour》，繼六月去了中西區中環街市busking之後，日前於聯和趁墟與北區街坊同樂迷唱歌。與此同時，羅啟豪與過百豪殼（粉絲暱稱）參觀五月先正式開幕的活化歷史建築。
今次羅啟豪請來鄧家豪、馮志豪一齊jam歌，由於近日天氣酷氣，在高溫下busking，他們成為了「乾煎三豪」。啟豪表示：「最辛苦嘅，一定係一班嚟支持嘅豪殼，天氣咁熱都一早嚟霸位同埋睇到尾，真係好感激有佢哋每一位。」
羅啟豪表示平日很少到粉嶺，很開心可以到此一遊。他話：「我喺演出前一個鐘頭，特登嚟參加呢度個展覽嘅導賞團，展覽嘅每個部份都好特別，譬如有一個電動轉盤，係用嚟展示市場以前由朝到晚嘅運作，仲有又嘅廣播區可以聽到以前市場嘅環境錄音，以及一啲檔主同街坊嘅聲音。另外仲有一個立體嘅豬模型，畀我哋去了解平時買唔同嘅豬肉，到底係隻豬嘅邊個部份，真係一個好特別、非常有心思嘅展覽！」
另外，羅啟豪早前放假飛到大阪及京都，除了吃喝玩樂之外，更順道為自家頻道 MV 取景。他說︰「今次已經係自家頻道『歌曲重 Sung』系列嘅第六隻歌，好想有機會喺外地取景。之前幾次登台都夾唔到時間做拍攝，於是就堅決要完成自己心願。」今次行程適逢上大阪一年一度的粉蝶花祭，一年得一個月公園會有 100 萬朵香港少見的淺藍色粉蝶花盛開，羅啟豪決定用此作為 MV 背景，向觀眾呈現既夢幻又浪漫的畫面。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
