羅霖大爆91年參選亞姐內幕 ，佳麗出盡陰招。
59歲羅霖多年來保養得宜，是公認的「美魔女」。91年以大熱姿態奪亞姐冠軍的她，日前在小紅書大爆當年參選期間佳麗出盡陰招的內幕，並坦言是現實版的「宮心計」！
羅霖在小紅書貼出參選亞姐的花絮片段，大爆經常被其他佳麗批踭搶C位，「我俾人推得最多就係影大合照，俾人批踭啦，俾人推啦，因為好多人要爭C位呀，如果你摷番以前啲合照，我永遠都企側邊。」
羅霖揚言有佳麗被落痕粉。
單人照令大眾更易注意自己。
痕粉整郁你
羅霖認為如要表現自己，非要做這些小動作去影響別人演出。她又指自己那一屆不算誇張，冠軍吳綺莉的一屆更激烈。「佢哋直情有話嗰啲佳麗有落痕粉，灑落你件衫，等你著時會郁吖嘛，咪姿勢唔靚。人應該盡力做好自己，表現好自己，唔好做啲傷害人哋嘅嘢，因為選美期間會有工作人員評核你嘅操行。」最後，羅霖認為選美除了要樣靚身材好，品行、智慧及心善亦相當重要，這樣才是持久的實力 。
入App免費換走健康產品
