TVB台慶劇《美麗戰場》由葉念琛執導，播出以來廣受討論，當中包括女主角「阿寶」陳瀅嘅演技，唔少網民留言大彈佢嘅瞪眼演技，仲話因為佢嘅表情而搞到瞓覺發惡夢。喺噚晚（24日）陳瀅嘅演技終於大爆發，爆喊劇情令佢連青筋同鼻涕都現埋。
噚晚劇情就講到阿寶喺拍戲期間得知嫲嫲（程可為飾）病情轉差，趕往醫院見嫲嫲最後一面，神情哀傷嘅阿寶由靜兒（劉佩玥飾）同小美（陳曉華飾）陪伴在側，喺嫲嫲面前強顏歡笑令可以安心上路。當嫲嫲真係離世後，阿寶叫得呼天搶地，喊到淚崩之外，仲連青筋同鼻涕都現埋，演繹出不同嘅層次。唔少網民都指佢呢場戲有進步，演得非常出色同自然。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
