《美麗戰場》的結局大暴走，令觀眾嬲爆。
葉念琛首部電影作品《美麗戰場》上周五(28日)播出大結局，網民看完之後大感O咀，直斥葉念琛浪費了大家20集時間，紛紛到他的社交平台洗版鬧爆。至於葉念琛就對網民生氣大感滿意，他說︰「我覺得追劇最開心，係追得過癮之餘，仲有種對結局好上心嘅感覺，一睇完就好想同人分享，鍾意又好、唔鍾意都好，總之引起到討論嘅氛圍， 就係我想大家有嘅感覺。」他又指若要開拍續集，便能給觀眾解開所有疑團。
蔣家旻對大結局勁O。
陳瀅唔明個故事
網民對結局睇到一頭煙，就連蔣家旻亦有同樣感覺，「我都唔知發生咩事，我接受唔到個結局。」陳瀅直言很不滿意︰「我自己飾演鍾家寶，原來我自己最唔了解個故事，點解會咁？」方力申就指葉念琛拍了多個版本，沒有人猜到他的舖排。
陳瀅直言︰「我都唔明個故事。」
劉佩玥反問導演想點
劉佩玥日前出席新劇宣傳時，她說︰「我哋睇完之後，係同一個時間望向導演到問︰『即係點呀？』佢就話『遲啲你咪知囉！』真係唔知係咪開續集。」不過，方力申今日在社交平台上載眾人合照，留言說︰「Season 2 我哋再爆d!」相信《美麗戰場》很快便宣布開拍第二集。
劉佩玥指結局播出時，眾人都很無奈。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
