2022-01-15 15:30:00

肥仔新歌MV得鮑起靜加持　193自肥搵林明禎做女主角

ERROR 兩位成員隊長肥仔(梁業)與193(郭家駿)昨日32歲生日。適逢生日，二人齊齊出新歌，肥仔新歌《Dear Mama》MV大談親情，更邀得影后鮑起靜助陣拍。193 新歌《再次Puppy Love》則是一首情歌，為了自肥，邀請了「大馬女神」林明禎為MV擔任女主角，一同回母校拍攝甜到漏MV，可惜計劃卻失敗了。

【超筍優惠】申請信用卡領迎新獎賞：airpods3或citysuper現金券

拍MV遇上影后鮑起靜，肥仔自言都有點怯，卻大讚鮑姐好Nice。他更透露多得鮑姐，他才輕易入戲，可以喊過不停，他回憶道：「有場喊戲，起初以為自己唔知要演幾多次，心諗最好一Take過啦！點知喊完一次，導演真係要我嚟多次，心諗唔係啩，點知鮑姐突然行過嚟摸下我個頭，我就輕易代入返角色，又再喊多次，結果我前後喊咗半個鐘！」

肥仔坦言新歌是送給自己媽咪的禮物，但對方還未看過MV，亦不知道MV內容，所以希望屆時媽咪看到會感到驚喜。

至於193的《再次Puppy Love》，則以「初戀可以嚟多次」作狂想。193透露今次MV找來林明幀擔任女主角，二人一同飾演學生，事前193要求自肥加入一些身體接觸情節如頭貼頭、臉貼臉的場面，不過最終事與願違，193大嘆道：「今次我返自己中學拍攝，校長睇完故仔後話唔得，因為學校唔鼓吹學生談戀愛，所以最好唔好有呢啲戲份。咁我梗係用咸濕仔角度，再問校長呢啲戲份可唔可以移師去公園拍攝，但最終都係被拒絕，所以對校長……Respect！」而今次MV還有Candy(王家晴)、Yoyo(葛綽瑤)與郭嘉盈(3妹)也有份演出外。