2022-09-20 17:56:19

肥媽再度回應張偉文指控強調另有其人自揭當日喊唔停

「靚聲王」張偉文早前重返舞台開騷，因為不良於行，近年以輪椅代步，就算台上演出也是坐住輪椅。其後他指當時有一位聲大大很有份量的歌手，認為他坐輪椅演出是慘不忍睹，令他大感不快。

肥媽︰我係喊到Gur Gur聲

向來中氣十足兼身形頗有份量的肥媽成為頭號嫌疑人，早前她曾多次向傳媒否認自己曾說過類似言論。日前她再接受無綫《娛樂新聞台》訪問，再度否認︰「我同黑妹一齊去，我哋冇買花籃，一入去即時俾咗利是佢先，咁直接好多啦。之後我哋就坐低聽，點知聽聽吓，睇住佢推出嚟，你知我眼淺就喊到『Gur Gur』聲，之後黑妹就叫我走先，話我影響人哋。同場有好多我哋嗰行啲人喺度，當時係有人講話『咁都要佢出嚟搵錢，陰功呀咁』係有人講嘅，我聽過，但嗰個就唔係我嚟。講嗰人都係唔捨得，佢哋唔明白一個唱歌嘅人，任何環境佢都想唱。」她表示一直都很支持對方，笑言二人長得相似，被人誤認過是對方的家姐。