肥媽重提因投資失利而損失了數千萬的往事。
由Maria Cordero（肥媽）、李家鼎（鼎爺）及游嘉欣（游游）主持的《肥媽李鼎》，最新一集以「富貴如浮雲」做主題，肥媽透露食過最貴一餐飯，埋單要70萬，她說：「淨係個頭盤，每人一碗粥都要24萬，當然唔係我畀啦！」游游和鼎爺即好奇追問到底吃了甚麼，肥媽說：「鰻魚苗熬粥，好似蝌蚪條尾長少少咁，我即刻問可唔可以唔食俾番一萬銀我！」
游游之後重提肥媽投資失利損失數千萬的事情，肥媽大方回應說：「記得當時就係喺呢度拍緊嘢，我煮緊嘢時，秘書同我講話個股價由8蚊跌到8個仙，我直頭企咗喺度，但我都有煮埋佢，唔通停晒手唔做咩。」肥媽承認當時心情低落，她續說：「嗰時我把口衰，話有幾千萬喺個袋度，可以退休，點知一講退休呢兩隻字就玩你喇，所以我以後唔講退休！」肥媽續指當時將股票套現後還剩餘200萬，但她竟然給了同樣跌落谷底的老友解燃眉之急，相當有情有義。
鼎爺曾經有機會做「李小龍第二」。
爺則自揭曾有機會做「李小龍第二」，他說：「70年代頭，同美國嘅華納兄弟簽咗三套戲，仲已經落埋訂，我心諗今次發達喇！」惟後來出現突發事件，令鼎爺進軍荷里活夢碎。肥媽聞言即忍不住指若當年計劃成功，鼎爺會比周潤發及成龍更早打入荷里活，鼎爺聞言感嘆謂：「真係食咁多着咁多，整定嘅！」
立即更新/下載AM730手機APP 體驗升級功能
