周吉佩知道自己得5盞燈時，一面驚訝。
無綫昨晚播出《中年好聲音》第一回合比賽，100強參賽者會以盲選形式作賽，5人評審團憑「好聲音」撳燈，揀選出50個晉級人選。得到4盞或5盞燈的選手可直接晉級，50強扣除得到4、5盞燈的剩餘名額，要留待評審團在獲得3盞燈的選手中揀出，只得到2盞燈或以下的選手則會被即時淘汰。
5位評判不太滿意屯門娜娜的表演。
15年前曾做歌手
前歌手周吉佩，獻唱《如果沒有你》獲得5燈佳績，15年前曾出道做歌手的他表示，在籌備出第二張唱片時，公司因財政問題煞停計劃，令他的歌手夢幻滅，他說：「做歌手呢條路好辛苦，呢15年浮浮沉沉，發展得好唔順利，有人問過我會唔會去做主持，但嗰時細個緊係想音樂行先，我話要唱歌，同嗰邊監製講唔做主持。」
娜娜獻唱時掛住擺Pose，數到忘詞，被一眾評審踢出局。
娜娜掛住擺甫士 0燈被踢出局
而有「屯門娜娜」之稱的董幸兒表現麻麻，獻唱《風的季節》時掛住擺甫士，搞到數度忘記歌詞，張佳添聽到擰晒頭，肥媽更狠批：「你諗嘅嘢多咗，你點會記得歌詞，淨係掛住個甫士。」最終以0盞燈被即時淘汰。
amJetso 送BIODERMA救星小紅瓶🩷護膚恩物 立即按此參加👇
