胡鴻鈞今日出席會展舉行的婚紗展活動。
胡鴻鈞(Hubert)上月抵從廣州參與《花都賀歲金曲演唱會》後乘高鐵返港，當時被海關人員搜出藏過百加熱煙，隨即遭沒收，更一度誤傳被捕。事後其經理人公司發聲明澄清，得知胡鴻鈞是幫朋友購買，他對自己作為藝人因對法例知識的不足而觸犯法例感到羞愧，承諾會深切反省，也會汲取教訓，今後將謹言慎行，履行公眾人物應有的責任。
今日，胡鴻鈞出席會展舉行的婚紗展活動，甫到場即接受傳媒訪問，穿紅色大褸的Hubert先向：「首先，喺度好鄭重同每一位都講一聲對唔住，的確喺呢件事上面犯咗好大錯誤，令到朋友、公司同埋我每一個歌迷都係好失望，所以想同大家講一聲對唔住！希望受到呢次教訓後，確保自己唔會再犯任何嘅錯誤，可以講嘅暫時係咁多。」被問到現時的心情，Hubert表示：「當然係對自己好失望啦！犯咗咁樣嘅錯誤，令到好多身邊愛錫我嘅人都好心痛，對我嚟講係最唔開心嘅事。」Hubert沒有怪責托他買加熱煙的朋友，自言最大責任都是自己。大家對他失望已經係最大懲罰。
數十位Hubert的歌迷拉隊到場撐場，對偶像不離不棄。
Hubert以往也有幫朋友代購，經過今次一事之後，他要確保有甚麼是合法及可以帶才會做，係唔可以帶，要確保自己熟悉所有嘅法例。」被問到是否已經收到傳票相關文件時，他則答：「暫時未有，都係等緊。」至於公司有否就事件開會，胡鴻鈞說：「當然公司對於呢件事都同我去訓話，自己係做得非常之錯，自己願意去承擔所有，犯下呢件事所帶嚟嘅後果。」法律援助方面，現階段亦會交由公司處理，被問到工作會否受牽連而暫停，他說：「都係等返公司嘅安排，我諗之後都會同我去傾返，我自己本人好希望呢段時間都係好好反省。」開鏡不久的新劇《執法者們》，Hubert已進行部分拍攝，會否擔心被易角？他自言好願意去承擔個責任，Hubert也願意做任何貢獻社會的事情。今日，數十位Hubert的歌迷拉隊到場撐場，對偶像不離不棄。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
