《臨時決鬥》女主角梁詠琪率師弟陳獻略Henry，聯同導演麥啟光在年廿九團年飯前謝票。
賀歲電影《臨時決鬥》昨日公映，女主角梁詠琪Gigi率師弟陳獻略Henry，聯同導演麥啟光在年廿九團年飯前謝票，Gigi更包場，請一班歌迷、圈中好友及電視劇《反起跑線聯盟》兄弟姊妹齊齊團年睇戲，GiGi說：「好鍾意拍賀歲片就係一班人開心心可以過年睇戲，希望多啲觀眾入場，激活香港電影。」心水清的Gigi，更提醒胡子彤首日票房已過40萬，記得準備短褲仔履行承諾，非常搞笑。
《臨時決鬥》由古天樂、梁詠琪、王丹妮、周秀娜、胡子彤、張文傑、陳湛文、楊詩敏（蝦頭）、伍允龍、喬靖夫、王尹菁、王頌茵、陳獻略、陳慧敏、陳楨怡及吳梓熙等演出，是一齣熱血、動作、搞笑，極具娛樂性的港產賀歲片，電影首天開畫迅即成為開畫票房冠軍，聲勢強勁。
《臨時決鬥》首天開畫迅即成為開畫票房冠軍，聲勢強勁。
陳獻略處男謝票
Gigi趁年廿九開畫日帶同第一次參與謝票的Henry在食團年飯前連謝六場，GiGi說：「好開心，好似其中一個鍾意拍賀歲片原因，係帶有使命感，新一年帶到開心俾大家，攞個好意頭，返去全年開開心心。」而第一次謝票的Henry說：「自己第一次謝票，第一次同咁多觀眾睇完一齊討論電影，感覺好好玩。」六場謝票中，其中一場是Gigi邀請一班電視劇《反起跑線聯盟2》好友，包括導演劉偉恆、朱鳳嫻、袁富華、周家怡、陳欣妍、梁業、練美娟等團年兼看電影，Gigi 說：「好耐冇拍賀歲片，想請大家嚟感受吓新年氣氛，同埋大家好記得我爆炸頭打麻雀嘅角色，好想可以再有一個角色衝破到。」新年期間Gigi會同老公家人出埠放假，而Henry就會借假期順便減肥，以準備迎接夏天。電影公司在年廿九，迎春接福大日子，在六場謝票臨時送「金」，每場謝票送出由六福贊助18K白金珍珠鑽石頸鍊，並由導演麥啟光主持，現場觀眾包剪揼決勝負送出，場面緊張熱鬧。
Gigi趁年廿九開畫日帶同第一次參與謝票的Henry在食團年飯前連謝六場。
立即更新/下載AM730手機APP 體驗升級功能
