談到拍攝趣事，彭秀慧投訴張錦程經常自加對白，不過大家有默契，一埋位都OK。
張錦程、彭秀慧等，昨日到將軍澳宣傳港台劇連續劇《沒有牆的世界VII》，劇中彭秀慧與張錦程首度飾演情侶，彭秀慧指，跟大師兄合作很有壓力，二人第一次合作是1995年演出舞台劇，相隔多年後再次合作，覺得對方整個人都不同了。
彭秀慧指，讀書時已聽過張錦程為了做戲好癲：「記得佢有次為咗做戲令自己性格躁啲，只食肉唔食菜，今次唔知佢食啲咩，同佢合作好好玩，好珍惜今次合作。」
張錦程：電台劇冇親熱戲
張錦程就自爆坐演輪椅演出時反車：「我坐部輪椅係運動員用，好多傷殘人士打籃球都係用呢部，操作起上嚟好靈活，有場戲講我好快咁出鏡，我唔知部車咁快，因為我冇烏前個身，結果反車，好彩我個頭有條辮墊住卸力。」
問到二人演情侶可有親熱戲，張錦程說：「電台劇集有幾親熱呀？」彭秀慧笑說：「冇安排睡房位，反而最尾場戲我要爆喊有少少壓力，但令我重拾返演員樂趣。」
入App免費換走健康產品
