黃翠如及王敏德女兒王麗嘉等昨日出席手錶品牌活動。翠如直言平日最捨得花錢在買手錶，曾買過一對貴重的腕表，其中一枚送給老公蕭正楠（Edwin），另一隻她自用，可是腕表太重，不適合她戴，結果一齊送給老公。
翠如又透露7月會同老拍檔洪永城「合體」，黃翠如表示兩人已有5年無合作，本來不打算跟對方再合作。她說︰「我哋一齊工作，上一次嗌交時間太多，幾年之後覺得，假如呢次係我哋最後一次拍旅遊節目，係要走埋一齊，我哋都話可能會絕交，呢一世都唔會再合作。試過拍緊節目嘈起上嚟，足足鬧咗15分鐘，連導演和監製都頂唔順，企埋一邊等我哋鬧飽佢，所以節目播出時兩人沒有眼神交流。」
她又謂早前和蕭正楠到訪洪永城家時，發覺對方養了一隻老狗，突然覺得他好孤獨，更笑指如果日後他要住老人院，承諾兩公婆會去照顧他。記者指洪永城有女友梁諾妍，對此，翠如竟說：「佢女朋友條件咁好，應該有好多其他選擇啦。」
立即更新/下載AM730手機APP 體驗升級功能
