黃宗澤Bosco、謝天華自電影《Laughing Gor之潛罪犯》後，相隔11年再合作。
由黃宗澤Bosco、謝天華及陳山聰領銜、麥浩邦執導的犯罪動作片《無間一戰》，是Bosco與天華自電影《Laughing Gor之潛罪犯》後，相隔11年再合作，二人幕後老友鬼鬼，天華更大爆Bosco因戲中打最多，片酬亦最多，而幕前二人就打到飛起，當中一幕龍山劫囚車場口，Bosco便拍到全身盡濕：「要數戲中最辛苦一個一定係我！」
黃宗澤包辦封隧道劫匪車放煙霧彈
《無間一戰》故事講述身為毒梟集團頭目的弟弟（Bosco飾）與擔任緝毒警察的哥哥（謝天華飾）捲入了一場毒梟鬥爭中，兩人為了各自的目的而展開交鋒，而當中一場重頭戲，就是Bosco與天華在龍山隧道一場，劇中Bosco飾演臥底，與一班僱傭兵槍林彈雨下劫囚車，車內是他想靠近社團話事人的兒子胡子彤，Bosco說：「我要俾人又要打人，最後又要同返反派嗰邊打，最辛苦應該係我！連放煙霧彈都係我。」 而由於隧道空氣唔流通，Bosco又避彈衣、防毒面罩，試完走位拍完一個鏡頭，他已汗流滿面，T恤濕透，Bosco說：「個面罩好熱好焗，有啲辛苦，但真係好意外劇組竟然真係封咗一條隧道去拍，人生真係第一次，以前睇戲就睇得多，所以辛苦都值！」此片還有張國強、陳煒、胡子彤、蔡思貝、林子善及郭柏妍聯合演出，並由陳惠敏及白只特別演出。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
