《艾粒旺角十大酷型頒獎典禮》終極加場，合共開4場。
艾粒(ILUB)將於9月初在旺角麥花臣場館舉行《艾粒旺角十大酷型頒獎典禮》，早前發售的頭兩場火速爆滿，上星期加開一場(7日)門票亦被秒殺，昨日艾粒宣佈於9月8日終極加場，門票於今天(3日)早上10時公售，艾粒揚言會走到觀眾席中與粉絲互動，一連四場玩盡麥花臣每個角落。二人更透露已構思每場有不同的dress code(穿搭主題)，會事先預告給觀眾，除了穿著符合MK特色的瀨屎褲外，還期待觀眾手執旺角美食蒜香撈麵及手搖飲品進場，提升dress code完整度。
ilub宣布不會為開騷操肌，以免變成『太瘦Yoshi』。
ILUB過往演出都曾經嘗試積極操肌，今次會否為應付開一連4場演唱會減肥或操肌？ILUB說明不會特別操練，反而用另類方式作準備。當奴透露已暴飲暴食成功增磅到132磅，少爺占笑言當奴「你係要增高唔係增磅！」二人直言只想開心做騷，亦怕與近期三大爆肌男神比較，「點操都唔夠Tyson Yoshi、YT大哥(周殷廷)、又或者大表波(邱士縉)大隻架，都冇諗住特別減肥，事關之前做紅館騷我哋減到好瘦，發現太瘦效果唔好睇，只會變『太瘦Yoshi』，做唔到Tyson Yoshi。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
