苑仔最錫波仔，絕對是萬千寵愛。
全啡色身的小B。
苑瓊丹早前完成香港開電視節目《開工大吉77》後，隨即投資7位數字進軍飲食業，生產即食餸包，期望成為圈中「食神」。一向愛狗的苑仔，自言是個「狗癡」，最高峰時期養14隻狗，她最愛是家中的波仔。撰文：畸豬
苑仔工作忙，平日愛陪伴狗狗：「我最錫的狗狗叫波仔，簡直萬千寵愛在一身。出到街，如有其他比波仔身形大的狗經過，其他狗狗會縮低、屈低變矮仔，才敢行過波仔身邊，不夠膽高過牠，波仔是萬獸之王。」
欺善怕惡
波仔是長毛芝娃娃，性格高傲又兇：「因為我媽生前很錫波仔，波仔自小就得到皇太后的恩寵，全家上下都只能夠寵牠，寵到牠現在變成一隻橫行無忌的芝娃娃。」苑仔說波仔性格很難頂：「牠欺善怕惡，如果你掂牠，牠會咬你，如果你鬧牠，就會縮起來。波仔又怕事。指甲長，拮到自己又不喜歡：幫牠剪，牠又不爽。你見牠將身體縮埋，就知波仔一定是不妥。」
只打過波仔一次
講起與波仔的難忘經歷，苑仔說：「波仔愛去街，1歲時有次帶牠出去，回家時差不多行到屋苑，就放狗繩讓牠輕鬆下，怎料波仔見到有狗狗，掉頭就跑過去，我見到又跟住跑，仲要斜路，迎面有架小巴，我心都慌，揮手又大叫。當時我十足癲雞一樣，見到小巴愈來愈近波仔時，真係腳都軟。」幸好有驚無險，波仔沒被小巴撞倒：「回到家教訓波仔一頓又打牠，這是我第一次打波仔。」自此之後，苑仔上街不敢放狗繩了。
苑仔形容波仔橫行無忌。
前排左起：啦啦、小B、福福、吉仔、阿細、安安，(後排)大熊。
amJetso 送BIODERMA救星小紅瓶🩷護膚恩物 立即按此參加👇
