荃灣豬肉佬劉宋威（威威）今年5月因被指貌似AK@MIRROR而爆紅，之後有粉絲為佢開設應援群組「荃灣鮮肉威威應援團」及舉行生日會，威威仲開埋YouTube頻道及接拍廣告，風頭一時無兩。不過自疑似威威舊照和黑歷史流出，之後除口罩揭真面目後，人氣急劇下跌，星途極速玩完，更有人指佢回歸平淡生活，已經重返豬肉檔工作。
神隱幾個月嘅威威，最近就被網民公開與其合照，相中嘅佢明顯消瘦不少，雖然佢冇仔細打理儀容，不過都仍然gel頭示人。照片曝光後，仍然有網民留言話佢好靚仔，會繼續支持佢，不過亦有網民留言話見到佢想嘔。
🎁 amJetso請你睇《焚城》，快Ｄ開APP玩👇 👇
