無綫前藝人莫家堯已淡出幕前多年，並轉行從商，擔任家族電子產品生意公司總裁；而近日有消息傳出指，莫家堯斥資2,315萬購入跑馬地金山花園一個「鳳凰樓層」豪宅單位。
據悉，樓齡約39年、位於跑馬地雲地利道35號金山花園A座，當中一個實用面積910平方呎「鳳凰樓層」單位近日以2,315萬元賣出，比起類近面積相同嘅同座單位價錢造價相差約2%；而買家名字為莫家堯(MOK KAI YIU EDWARD)，與莫家堯中英文名同名。
52歲莫家堯其寶係喺1990年加入亞視，曾擔任劇集《點解阿Sir係隻鬼》男主角，其後過檔TVB，由男主角變成大茄，不過所參與嘅劇集多是數一數二的經典，包括《西遊記》、《刑偵III》及《陀槍師姐》等，同樣吸引到一班劇迷。縱然莫家堯已淡出娛樂圈，但莫家堯仍不時與鄭嘉穎、唐文龍及曹永廉等圈中好友相約聚會；2019年，莫家堯出席鄭嘉穎50歲生日派對，眾人貼出合照，莫家堯就被網民大讚無太大走樣，只係多咗少少魚尾紋。
amJetso 送BIODERMA救星小紅瓶🩷護膚恩物 立即按此參加👇
