蔡潔抽中二獎電動車，非常開心！
《萬千星輝賀台慶》於昨晚(19日)在電視城舉行，今年的主題是「同一家人，與你前行」。謝雪心、蔡潔、莫韻諰、鍾翠詩、顏志恒及馮顯藝抽中參加「台慶大抽獎」環節。蔡潔抽中二獎價值28萬元的電動車，她當場笑得非常開心，並在場大叫︰「好開心，我有新車返工，同埋可以車我兄弟妹遊車河，TVB生日快樂，收視爆燈！」
蔡潔今年5月揸車遇上紅雨，其愛車被浸壞，當時她也在IG記下當時情況。她在完騷後接受訪問，她表示非常開心，她說︰「成班兄弟姊妹都替我開心，因為年中我自己之前架車都浸咗，佢哋就覺得，『依家個天比返架新車你，好圓滿啊呢件事！』我都覺得係，但我未等到佢嚟，我買咗架新車啦已經，所以我仲諗緊兩架車應該要點處理，我就未諗到，所以我呢該淨係覺得好開心同好幸運，同埋大家對我好好！」
蔡潔稱數年前的台慶都試過中獎，當時是一個中團體獎，自覺很幸運，今次會請一班好朋友食飯慶祝，特別是胡定欣。她說︰「佢抽中我啊嘛，我親自去車佢食飯，跟住送佢返企！仲有姚子羚、張曦雯、蕭正楠等等，佢哋都好錫我！」
蔡潔會請一班好朋友食飯慶祝，特別是胡定欣。
