蔡瀾
「香江四大才子」之一嘅83歲食家蔡瀾，去年4月因為跌倒受傷而休養，久未露面之餘亦未再更新社交媒體，令唔少支持者關注蔡san 嘅狀況。舊年9月蔡瀾飛到馬來西亞吉隆坡出席自己嘅慈善書法展開幕活動，蔡san 喺活動當日坐輪椅現身，到近期蔡瀾再次活躍起來，喺內地社交平台出影片之外，仲會每周開直播同網友互動。
早前蔡瀾喺直播談到生死，被問到點睇親友離世，蔡san 話要走嘅人始終會走，認為太掛念逝者就好似捉住對方靈魂：「你唔放手，對方就唔會走，所以如果有親人好友過身，可以想念，但係唔好過份。」蔡瀾憶起近期離世嘅好友鄭佩佩，提到對方喺東京時，生活起居都由蔡安排。
「可以想念但唔好過份」
至於另一好友黃霑，蔡瀾指霑叔生前有個怪癖，就係唔鍾意喺自己屋企沖涼，當然有喺蔡san住所出浴。蔡瀾話黃霑沖完涼之後同蔡san太太講「唔好意思，又打搞你」，並提出寫下借據作補償，而霑叔就會要還一首曲。蔡瀾直播中踢爆，到霑叔離世前，佢已經收下一大疊「借據」，但霑叔一首曲都冇還過。
原文刊登於 Yahoo 娛樂圈
超加工食物｜
立即更新/下載AM730手機APP 體驗升級功能
